بقلبى صباح سالم
Sande Ali
،،،،،،،،،، حكايتى ،،،،،،،،
ياساحر علم عنا كل الحقيقه وصلتنا شهادتك بحقنا وكلماتك
فاسمعنى بقلبك فحكايتى فقط ل ذاتك
كنت عايشه راضيه هاديه ،، عمرى لحد ما ملت
رغم مُر ياااه يا صاحبى ،، مُره فاق مهما قلت
قلت أميل للقريب،، يمكن ياصاحبى يكون نجاه
مش عايزه حاجه منه غير بس يشيل عنى حمله ويخلصنى من تلك الحياه
دخل سنه من قلة فعله كانت جوفاء
لم يساعد واما اعترضت اترجيته الرحيل بالخلاء
قالى لا ..بيت قريبى ازاى اسيبه وحده بالعناء
الحقيقه ..عينه منى واما اكتشفت من عينيه الشر بيه
قلت لملاك بزى رسمى
مش عايزه يا كبير ييجى بيتى ولا أشوف حتى رسمه
نجينى من تدخله و سِمُه
وحققلى ما اتمنيت ورجعت برجلى تانى البيت
اكمل خدمه لحد يا صاحبى ما انحنيت
وكل ما تطول سنين الصعاب
كل ما اشوف تعبى بعيون ابنى اللى بخلقه صار مهاب
وعيون عروستى اللى ضحكه منها بتدوب كل الصعاب
واستمرينا سنين من كترها ب مُرها مش عارفه قد إيه
وحانت لحظه الرحيل
قويه أنا يا صاحبى وقوتى من رب كلمته واترجيته ،،، تانى مترجعنيش
وكأن باب السما مفتوح ..آنسنى بوحدتى وهمسلى متضعفيش
وك إن نظرة ولدى بعيونى فوقتنى
لما قالى يامه عنا متتخليش
الحياه دونك متساويش
انا معاكى زى ماكنت صغير وانتى مسبتنيش
جه عليا الدور نرسم سوى ضحكتنا مهما الدنا غلبتنا
ح ييجى يوم فىه ضحتك يامه تعلا تانى متنطفيش
ومر كتير وعدت سنين يااااه يا سنين عمرى متعدييش
أصلى بطلت أعد الساعات من يوم ما نمت وحدى ومخدتى مافيهاش بكا وآهاتى مبتعليش
ولا زلنا نواجه الدنا .
.نميل معاها فى الصح وفى الخطأ ضمايرنا عنا مبتتخليش
إيمانا ولمتنا لا زالوا قوتنا وده بس اللى قوانا عشان نستمر و نعيش
،،،،
ليست هناك تعليقات:
إرسال تعليق