عتابنا نشرة أخبار
من ديوان / ضى نهار
للشاعر / مصطفى فريد
زمان خالص ٠٠
ولما كنا نتعاتب
يادوب كان العتاب بينا
يرجعنا بلمسة إيد
وكلمة حب تنقلنا
وتزرع فينا همس جديد
ولما خرجنا بيه بره
وسيبنا الناس بقت حرة
تعيد وتزيد فى أخبارنا
لقينا كل شئ فينا
بيرفضنا
وبح من الخصام صوتنا
فى غمضة عين
سمحنا لنفسنا نبكى
ونشكى لغيرنا أوجاعنا
كنا زمان بنتحمل
قساوة بعض ونكمل
مين اللى حسد حالنا
وغير رحلة الايام
زعل وخصام
يادمعة قلبنا الميت
فى ليل ضلمة
بلاش الرقص ع السلم
مالوش معنى
يا إما تنزلى وتنشف مدامعنا
يا إما تطلعى بالروح
وروحنا هناك هتجمعنا
ليست هناك تعليقات:
إرسال تعليق