نادي الادب
أبدي بسلام قبل الكلام
ماهي دي الأصول قبل ماقول
أنا مش أديب ولاكنت شاعر.
بس المشاعر خلتني أكون
بينكم وقول فيكم وأجاهر.
أهل الأدب أهل الفنون
أهل النغم اهل الطرب
اهل التذوق والمشاعر.
لفيف خفيف جمع وظريف
بكلام لطيف من كل طيف
ذي الزهور لما تثور
وتشع نور بين الجناين.
وأدي البذور ويا الزهور
مافيهمش زور ولا فيش غرور
متجمعين وفي احلى نادي.
يانادي هادي دايما تهادي
بفن راقي علطول تلاقي
فنان بعود وياه طرب.
من ربع تون يعزف شجون
اصل الفنون بيكم تدوم
مانتم بدور وأهل العجب.
وياالطرب غنج وعرب
بحة طرب أصوات بديعة تحبها.
قرار وأن أوبرالي غن
سوبرانو رن بحسها.
وابو الزجل لما ارتجل
ومافيش مجال غير لما قال
فيه العجب.
وشيخ وناوي يكون مداوي
عروض ويوزن بحرها.
يوفق صدورها وعجزها
ويحكم قواعد صرفها.
واهل ضاد مالهم تضاد
في بلاغه ومحاسن وصفها.
يلضم طباق وياالجناس
ماهو دا الاساس
أصل الفصاحه ولفظها.
والكل قام يضرب سلام
للحلوه يسلم فمها.
زجاله راسيه وشاعره
داالشعر خالها وعمها.
تألف في وامضه
وروايه غامضه ومبهره.
بعنيها لامعه وألف شامعه
مبدعه يسلم ابوها وامها.
ماأنا أصلي غاوي أسمع غناوي
وحكاوي راوي بعزم نظم
والحلو فيها سجعها.
وأختم كلامي أنا بعدها
تسلم ياراعي ياللي داعي
لجل تلملم شملها.
قلم /السيد شوقي السيد
ليست هناك تعليقات:
إرسال تعليق