أرض البكارة
من ديوان / على الربابة
للشاعر / مصطفى فريد
من أرض الطهارة والبكارة والصلاح
جاى وشايل فوق كتافى
حب وافى
وجوه صدرى قلب دافى
وورده من نور الصباح
جاى أهنى العيد وابارك
ألف ميت مليون تحيه
من قلوب طاهره وذكيه
للحبايب ايد فى ايد
من زمان مربوط هلالنا
بالموده مع الصليب
شعب واحد
قلب واحد
تاريخنا واحد
دمنا فى نفس الوريد
طول عمرنا ت
جمعنا أوقات الصلا
نركع سوا
جوه الجوامع والكنايس
لجل حبات المطر
تنزل وتغسلنا سوا
إحنا والزرع إللى عطشان للنشيد
يجمعنا دايما من جديد
وقت الخطر
نتلم دايما كلنا
ونضحى لاجل الخير يعيش
ومصر دايما هى خيرنا
وخط سيرنا
لو تعيش نفضل عزاز
فوق ترابها مكرمين
سواعدنا تخطى لفوق
وإيد الرب فوق إيدنا
تساندنا وتحرسنا
وتحمينا من الفرقه
وتكتبنا مع السجاد
فى الصلوات
من الحكمه نكون لمه
ونصبح عنصرين أمه
هدفنا الوحده واللحمه
ومصر تكون على القمه
ليست هناك تعليقات:
إرسال تعليق