ياست الكل ياأمى ( الصورة من أعمالى بالألوان المائيه )
===============================
سلام عليكى ياامايا
يللى ساكنه جوايا
وحبك هو نور عينى
وانت ِ كل دنياى
قلبك ضِلتى وشمسى
حضنك بالقىَ فيه نفسى
ولو حبيت أقول واحكى
عن فضلك وعن خيرك يِطول شرحى
ولو كل سنين عمرى ماحتكَفِىِ
ياأكبر نِعمه من ربى
ودايما تِحملى همى
من دمك بقى دمى
ومن نبضك بقى نبضى
ومن صورتك بقى رسمى
بقى ف اسمك حروف اسمى
ياست الكل ياامى
يااغلى عندى من نفسى
ومن يومى ومن أمسى
وانا ف صمتى وانا ف همسى
وطول عمرى أنا بادعى
عشان يمكن ف يوم تِرضِىِ
رضاكِ من رضاَ ربىِ
============
( محمد عنانى )
ليست هناك تعليقات:
إرسال تعليق