الشاعر / كرم ايوب
انا عايش مابين اتنين
مابين ذكرى وحاجات راحت
وبين بكره وحاجات جايين
وبين انسي لناس بايعين
وبين ازاى
هعيش العمر من تانى
ادينا عايشين نشتاق
لناس مش حاسين
ومش فاهمين قلوبنا
ازاى بتتمرر
ونتغير يقولوا علينا
مش احنا
ونتصور انهم رجعوا
ونرجع تانى م الاول
نلاقي الداء مايتغيرش
نتعب روحنا علشانهم
وبلسانهم
يقولوا انتو تعبتونا
وكل الجرح بقي منكم
وسبتونا فى عز الحوجه
لقلوبكم
وهما اللى جرحونا
وصابونا وسابونا
نبكى ع اللى كان منهم
وبجراحهم نعيش العمر
ونكمل
ونتحمل عذاب الجرح
والغيبه
وهما بكل ده راضيين
ماهما ناس بطبيعتهم
بالحب اصلا مش حاسين
#karam
ليست هناك تعليقات:
إرسال تعليق