6- الولد الشقى بقلم /ا.بطل سلام

الولد الشقى حلقه رقم 6

★★★★★★★★★★

بعد السلام عليكم ورحمة الله وبركاته

ونصلى ونسلم على من اشتاق لرؤيتنا

هنبتدى منين الحكايه على رأي حليم اولا كان ليا صديق أنتيم جامد قوى وابن عمى وجارى وطنا أصحاب وبنلعب مع بعض من قبل مندخل المدرسه الراجل الطيب هو لحد دلوقتى معندوش فيس يعنى مش هيشوف كلامى ولكن أنه صديق العمر ورفيق الدرب نختلف سياسيا من النقيض إلى النقيض ولكن هو بمثابة اخ لم تلده امك هو ... منتصر حماد عبدالحميد سلام اطال الله عمره واحسن عمله

طبعا اول ايام الدراسه كنا رايحين جايين مع بعض ولكن احيانا بنختلف طفوليا بعض ايام ولكن سرعان ما نلتقى مجددا

وعلشان مطولش عليكم. الايام اللى بيخلعى منى فيها كان فيه تلات بنات من الحته من نفس الفصل كنت اروحهم على انى هما بنات وانا الراجل بتاعهم حضرتك أحنا فى سنه تانيه ابتدائى يعنى المفروض الناس لسه بخيرها بس برضو كان فيه خشى وحشمه واحترام كنت امشى معاهن حتى اوصلهم لبيوتهن وكان هناك فرق كبير بين الحديث مع الصبيه والحديث مع البنات كنت ابقى ماشى معاهن يتكلمن عن أمها قالت لها هاتى كذا واعملى كذا واصل اتعورت امبارح ووعقعت على رجلى وكن يتفقن معى لنلعب سويا بعد المغرب فكنت اوافق إلى انى وجدت فى نفسى شئ مش مرتاح للتواصل معاهن حسيت أنى مش طبيعى ولا المحادثه بينا هتجيب ثمارها الصداقه الحميمه دى. ما دامتش اكتر من خمسة عشرة يوما وهنا فضلت ادور على صديق أنتيم من الاصدقاء او من الفصل كل يومين مع شخص وممكن اروح معاه بيته واتغدا عنده كمان وفتره واذهب لغيره هذه الأشياء جعلت اغلب الفصل الدراسى اصدقائى واللى فعلا تعجبت له كان فى الصف الرابع كان هناك مسرحيه عن ايزيس واوزوريس وكان نفسى اعمل فيها أى دور ولكن الشكل العام مرشحنيش لأى دور غير انى كنت من الكومبارس نردد اغانى أو زى الاوبرا كده مع انى كنت شايف نفسى احسن من الواد مراد بس احمد اسكندر كان يستاهل علشان كان عوده فرع وشعره اصفر وسايح وعيونه ملونه من حقه يطلع بالبطوله ينفع نجم شباك أما أنا يعبنى كنت بروح الغيط وابراهيم فهمى قام بدرو كويس ومتهيقلى يسرى الجلنط عمل دور والبنت ام عنين زرقه عملت دور بطوله وانا واقف اول ما يشاورلنا المدرس نعمل فيها فرقة الاوبرا

المهم علشان نخلص من موال الابتدائى ده علشان ورنا هم ما يتلم

ورمضان يمكن منلحقش نكمل الحكاوى برضو عملوا فريق كرة قدم وانا مافلحتش فيه لانى مكنتش هافضى من اللى ورايا كنت بروح اطلع على الغيط وكان عندى عفاكم الله بهايم لازم تأكل واب لو ماقمتش بواجبى ممكن يأزينى مش هقدر أقوله اروح اللعب الا بالليل ومن يومها والليل ده صاحبى وصديقى حتى فى عملى لم اختار أن أكون ضمن الفريق الصباحى وهى عيشه ولا اكتر .

فاضل احكيلكم عن الواد جمعه رمضان لم حالنا الاستاذ س وعاوز يشرب شاى مع الأبله أ وقعد يقول قمر شمش قمر شمس ودى كان معناها أن قمر الواحد يحط ايديه على التخته ويحط رأسه بين درعاته وينام وتبقى قمر يعنى ناموا يا ولاد وشمس يعنى اصحوا وهو الراجل كان عاوزنا ننام علشان يشرب قهوته فى هدوء الواد جمعه بقى كنت شايف معاه نبله فيقول له وحياة ابوك ادينى النبله دى قالى لاء ياض هات قالى هتعمل بيها ايه فقلتله هنشن على قرعة الاستاذ س قالى طب لو شافنا قولت له ياض نشن وهو بيشرب القهوه فرح متطع زلطه من الشنطه ونشن جت فى القرعه بالظبط راح دالق القوه على نفسه واحنا عملنا نايمين قمر فضل يقول مين اللى عمل كده والفصل كله محدش عرف الموضوع الا انا وجمعه وطبعا مافيش اى حد رد راح وقف الفصل كله وضربنا كلنا علشان فنجان قهوه يرضيكم كده الله يرحمه بقى..

فى الحلقه القادمه هحاول الخص واختصر واقولكم التلاميذ ايامنا كانوا بيشيلوا شنط عامله ازاي وكمان هقول على الأستاذ نبيل المدرس اللى بجد قدس الله روحه ولا يقدسه كله لأنه لسه عايش..

والسلام عليكم