المسحراتى
الحلقة ( الثامنة ) الجمعة
للشاعر/مصطفى فريد
مسحراتى داير انادى
فى كل وادى أقول ياهادى
أحرس ولادى وانصر بلادى
على الاعادى والطماعين
نبضى فى قلبى
بيدق طبلى زى اللى قبلى
جادل فى حبلى بحرى وقبلى.
عناقيد بتضوى بهجة وحنين
فيه حد القبر ندى له
واتخلف عنه وغاب
أو قدم عذر لحاله
او شفعت له أصحاب
م الباب كلنا داخلين
الدنيا شهيق وزفير
ويا دوب بنعيشها يومين
غفير او حتى وزير
لتنين مخاليق من طين
قدرة رب العالمين
العاصى او الكداب
راح منه يهرب فين
مادام جاى الحساب
ومع الكتاب ملكين
من أحكم الحاكمين
با نادى دايما الله ربى وهادى قلبى
فى كل وقت وكل حين
إدعى لربك يغفر لذنبك ويخف جرحك
ويعم فرحك وتروق ملامحك ويمد لينا
شهره الكريم
ليست هناك تعليقات:
إرسال تعليق