المسحراتى
الحلقة ( العاشره ) الأحد
للشاعر/مصطفى فريد
مسحراتى داير انادى
فى كل وادى أقول ياهادى
أحرس ولادى وانصر بلادى
على الاعادى والطماعين
نبضى فى قلبى
بيدق طبلى زى اللى قبلى
جادل فى حبلى بحرى وقبلى.
عناقيد بتضوى بهجة وحنين
ياسبت عشره تاريخ وعشره
فيك أحلى نصره وإيدين مناصره
وقفت تنادي عاشت بلادي
عاليه الجبين
كان يوم ميلادي سته ميلادي
لما ولادي بطرس ونادي
واحمد وشادي هزموا الأعادي
والمعتدين
هتفوا بصوتهم الله أكبر
ثبت وجودهم على أرض طاهره
الفرحه ظاهره زغاريت مظاهره
للفرحانين
با نادى دايما الله ربى وهادى قلبى
فى كل وقت وكل حين
إدعى لربك يغفر لذنبك ويخف جرحك
ويعم فرحك وتروق ملامحك ويمد لينا
شهره الكريم
ليست هناك تعليقات:
إرسال تعليق