الولد الشقى حلقه رقم 8
★★★★★★★★★*
وبما أننا تطرقنا فى حكاوينا عن المظهر العام والملبس والمأكل والمشرب لجيل كان دخل الدراسه عام 73 وما قبله أو ما بعده بقليل ليس ببعيد عن تلكم الأحداث تزيد قليلا تنقص قليلا ولكن الشبه واضح جداااا ..
يأتى عام السلام واتفاقية كام ديفيد والتنسيق الأمنى الصعب حدوثه الآن أن تخرج جميع المدارس لتقف على الشوارع الرئيسيه لمشاهدة موكب الرئيس الزعيم الراحل محمد أنور السادات ومعه الرئيس الأمريكى كارتر فى سياره مكشوفه خلى بالكم فى عز الضهر وسياره مكشوفه وواقفين يشاوروا للناس وكنت اقف امام مسجد الصباح انا والمرحوم حضرة الناظر صلاح وبعد كده روحت انا واخويا الناظر مشى من مسجد الصباح لحد البيت يعنى مسافه بالنسبه لسننا مش كبيره علشان كنا متعودين على المشى.
علشان مننساش نقول إن المدرس اللى بيمسك الفصل هو مدرس. واحد لكل المواد يعنى المدرس ممكن يستلمك من اولى ابتدائى إلى رابعه ابتدائي اون لاين وون وى يعنى ما فيش غيره المهم دخلنا خمسه وسته وعرفنا مدرسين اكتر واتعاملنا مع عقول اكبر واو متنوعه فجأه جه علينا مدرس اسمه الاستاذ نبيل نصرانى بس مجدع وبتاع شغل وبيحب شغله قوى كان علينا فى سنه سته وسنه سته دى كانت شهاده ولا فيها ملحق ولا دور تانى لازم تنجح يعنى لازم تنجح نسيت اقولكم انا مستواى نزل فى السنتين الاخرنيبن مبقيتش الواد المنافس خدنى اللعب وأمور أخرى مش هقولها المهم الأستاذ نبيل ده جت علينا نص السنه واكمنه معطناش من اول السنه كان لسه المنهج مخلصوش مكانش فيه حاجه اسمها ترم وميتيرم والاسماء دى إجازة نص السنه جت واحنا علينا دروس الراجل المحترم مطلبش منا مجموعه أو فلوس درس ولا حاجه خالص قالنا احنا هنيجى كام يوم فى اجازة نص السنه علشان نحلص المنهج وايامها الاجازه اجازه للكل يعنى مافيش لعمال ولا فراشين مقفوله خالص طيب ندخل ازاى من نفس المكان اللى بنهرب منه واحنا مروحين هربنا منه بس للداخل يعنى
خلنا المدرسه من على السور ومعانا المدرس الأستاذ نبيل المحترم ويدينا الدرس واذكر مره كان فيه فيلم عنتر ابن شداد واحنا فى الفصل عرفنا بيه كنا عاوزين الاستاذ نبيل يخلص بسرعه علشان نروح نشوف الفيلم
المهم إللى عاوز أوضحه أن الأستاذ نبيل لو كل المدرسين بأخلاقه وبحبه لعمله وحرصه على توصيل العلم للتلاميذ اكيد كنا بقينا فى حته تانى خالص الاستاذ نبيل مازلت اذكره بخير مازلت أكن له كل التقدير والاحترام الموضوع مش مسلم ومسيحى الموضوع ربنا لخصه فى الايه الكريمه بقوله (انى لا اضيع اجر عمل عامل منكم من ذكر او انثى) يعنى ما اشترطش ديانه فقط اشترط العمل والإتقان فى قول الرسول الكريم صلاوات ربى وتسليماته عليه (إذا عمل أحدكم عمل فليتقنه)
ومن ما شهدته على الأستاذ نبيل الذى ادخلنا إلى المدرسه عبر السور كان حريص كل الحرص على إتمام عمله ودون منظره أو رياء
والى حلقه أخرى والى مرحله أخرى من مراحل الدراسه الا وهى الاعداديه وشكل جديد وانتقال من القريه إلى الشبه بندر يعنى هناك مسافه فكريه وحضاريه سنتطلع إليها فيما سيأتى ..
ولكل من الجهد نفسه ليرجع إلى اطيب الاوقات واصفاها له منى كل تقدير واحترام
والسلام عليكم ورحمه الله وبركاته
ليست هناك تعليقات:
إرسال تعليق