لما كتا صغيرين
علمونا أزاى نخاف
علمونا نسمع ونسكت
حتى لوكانت العيشه غجاف
الطعام يا دوب فتات
والفتات فتات الفتات
الارض فرشه والسما لحاف
علمونا لما كنا صغيرين
علمونا ازاى نخاف
سجنوا الكلام فوق الشفايف
ربوا جوه كل واحد فينا مخبر
تبقى وحدك نفسك تصرخ
تعترض بس خايف
أصل صوتك قبره
مبنى فوق الشفايف
_ _ _ _ _ _ _ _ _ _ _
ويوم ما جانا اللى جانا
وحس بينا قال حرام
انتوا شعب اتظلم
عاش فى الظلام
ملقاش ادين تحن عليه
ولاقلب وطنى يحس بيه
تهنا وتاه معنى المعانى
مفهمناش الحريه تبقى ايه
وانطلقنا بالصراخ والكلام
اللى كان جوانا مسجون
خرج من قبره ثور مجنون
على اى حاجه نعترض
وقبل ما نفترض نتظاهر
والظاهراننا بنشبع رغبه
ماتت جوانا لما كنا صغيرين
شعر العاميه
الشاعر جمال القياس
ليست هناك تعليقات:
إرسال تعليق