تعبت مـن التفكيــر ,,,
جوايا حاجات كتير ,,,
قولنا نشوف تغـيير ,,,
فى بلدنا أم الزمامير ,,,
ناس لبست طراطير ,,,
وناس طلعت بطيــر ,,,
والهبيشة كتيييييييير ,,,
والغنـى بقــى فقيـــر ,,,
والفقير لبس الحرير ,,,
ما تعرف إيه أصله التَغيـر ,,,
أنا قلــت هكـــون أميييييير ,,,
ما أنا علمى أصيل وكتييير ,,,
أهو كدة تبقــى خطيــر ,,,
ولازم تترمى فى البيـر ,,,
لو تمسح جوخ وتصير ,,,
واحــــد مــ الزماميـــر ,,,
ما تفتــح يا أبــو تَغيِـر ,,,
لو تعرف تبقى فتـوه ,,,
تخطف هبـرة بقـــوة ,,,
تشيلها فى عبك جـوة ,,,
أهو ده التَغيـر بمروة ,,,
ياإبنى معنـدك فكــرة ,,,
لسه ما شفتش بكــرة ,,,
أحسن خدلك زمــارة ,,,
وإنفخ بيها فى الحارة ,,,
وشوفلك فتلة ودبارة ,,,
أربط بيها لسانـك ,,,
ســد بيها ودانــك ,,,
لتبقى سودة أيامك ,,,
خليـك لابِد فى مكانك ,,,
أوعى تبوح بأحلامك ,,,
تلاقى كابوس أدامـك ,,,
يجـرك من هندامــك ,,,
وخد بقى فى دماغـك ,,,
سين وجيم فى جنابك ,,,
بتقوووول إيـه ـ بتقـول تَغيِر ,,,
هو إنت يا إبن التيت ضرير ,,,
باينك ســواء حميــــــــر ,,,
ده كلــه إتغيــر وإتحيـــر ,,,
ساب الحشيس وبقى يبير ,,,
إنت لســـه ياواد مأيــر ,,,
هاتلك تكتـك صُغَيــــر ,,,
أهو ده مشروع كبيـــر ,,,
ضمن مشاريع التَغيــر ,,,
شكلك كده حقود وحقير ,,,
وملكــش فــى التَـغـيِــر ,,,
آه دماغــى مـــن الفكـــر فـرقعــت ,,,
لموأخذه دى دماغى هيه الـ فرقعت ,,,
لايقولـوا قنبلــة ولعــت ,,,
والحكاية تبقى إتشمعت ,,,
أنا مش صاحب قضية ,,,
ولا ميــال لخليــة ,,,
أنا واحـــد هفيـــة ,,,
لا ليا فـــــى الطــور ,,,
ولا فى الحلاوة الطحنية ,,,
ليست هناك تعليقات:
إرسال تعليق