بحبك للشاعر / ناصر حلمــى عبد المقصود

كـــــــل القصة إنى بحبك
واستحملت الظلـــم عشانك
فاكـــــــر والله يوم مـــا قابلتك
واتغنينا أنا وأنت بغنوة كانت حلوة 

غنوة جميلة نطقها لسانك

قلتى ساعتها أتحدى العالم كله عشانك
لسه صداها كل ما تيجى اسرح فيها
من غير ما أشعر ألقى لسانى بيغنيها
أرجع بيك لذكــرى جميلة عايش بيها
ما تحوليش تهربى من حبى
أنا مش قـــــادر أنسى كلامك
بتأسفلك إن كان جرحك مرة بسببى
بتأسفلك ع اللى جرالك
أنا مش قادر أعيش من غيرك
كل دقيقة بسأل عنك عن أحوالك
ارجعى خلى الفرحة تهل
أنــا من غيرك عايش ذل
أنت يا عمرى فى شمسى الحارة حبك ضل
كل الناس ما عادت تلزمنى
أنا مستنى يا حلوة حنانك
أتعودت كمان على صورتك
كل ما أشوفك أســـرح فيك
أصـــــل ملكتى كيانى بحبك
كل مشـــــــــــاعرى بتغنيك
كل القصة إنى بحبك
وكل جمال الكون فى عينيك
أوعى تفكرى تبعدى عنى
غصب عنى بدوب فى جمالك
كـــــــل القصة إنى بحبك
واستحملت الظلـــم عشانك
الشاعر / ناصر عبد المقصود