زمن الوحوش ( مواويل
)
*****************
زمن الطيابة مضى
وبقينا زمن الوحوش
الآه بترجع صدى
والحب بقى مغشوش
والناس في مولد
عجب الكل لابس وشوش
م تلاقي صاحب جدع
عن ظلم صاحبه يحوش
آه يا زمان الضعيف
عندك مالوش صاحب
يخطف من ايده الرغيف
ويقول ده انا صاحب
ويمص دم الفقير
ما هو والشيطان صاحب
وان جيت ف يوم
تقصده تلقاه يروح ساحب
فاكرك في ساعة
النعيم وفي الضنا هاجرك
ما هي دي طباع
اللئيم طعناته في ضهرك
إياك تصاحب خسيس
ساعة الوجع يهرب
عمره ما كان لك
أنيس عايش معاك يكذب
صاحب أصيل يسندك
يحفظ في يوم غيبتك
لو مِلت يوم يعدلك
ما يخون في يوم
طيبتك
إبعد عن اللي في
يوم صاحبك لزوم قعدة
يمكن في يوم يخدعك
ويبيع تاني قعدة
زمن الطيابة جميل
لكن يعوز قوّة
وابن الأصول لو
يميل مِلته ماهيش حلوة
إمسك في إيدك أخوك
إيّاك يتوه منك
مولد وفيه لو سابوك
روحك تروح منك
زمن الطيابة مضى
وبقينا زمن الوحوش
الآه بترجع صدى
والحب بقى مغشوش ،،،،
بقلمي / إبراهيم
فهمي المحامي
١٢/٧/٢٠١٨
ليست هناك تعليقات:
إرسال تعليق