إنت تُشكر ربنا
========
لما تشكر ربنا على نِعمته يِبقَى جَميل
حتى لو كان كل شىء ف الحياه صعب وتِقيل
َولا الأمور مِتعَقَدَه ولِيلها طويل
وَلَاَ انت لاقى ف شِدِتَك صاحب أصيل
كل دا واكتر كمان يِبقَىَ قليل
لما تِعرف إن فيه غِيرك عليل
أو حد تانى عشان يِعيش لازم غسيل
أو حتىَ عَنده مُشكِله مالهاش مثيل
هو دا حيساوى إيه ويساوى كام
لما تِبقَى ف نِعمَه والصحه تمام
لما تِصحَىَ الصُبح وتفتَح عِنيك
أو تقوم تِتمَشَىَ وتحرك إديك
لما تِسمع أو ترد ع اللى بينادى عليك
إنتَ تِحمد ربنا م الصُبح ولحَد المنَام
والحمد يِبقَىَ فعل مش بس الكلام
============
( محمد عنانى )
ليست هناك تعليقات:
إرسال تعليق