الناس معادن...
بقلم السفير
د.علاء البسيونى
اول كلامى بقول صلوا علي سيدنا النبي تهتدوا وترتاحو
علي الارض ياما ناس جت وناس كتير راحو
صفي النوايا والنفوس واسعي وقول يارب
عاشر وفارق بالاصول وارمي بذور الوفا
تحصدها بالاردب
اياك تصاحب يوم غير الاصيل الجدع
بتلاقيه جنبك في وقت الشدة ويسندك لو يوم تقع اما بتاع مصلحته فعامله بمعاملته
خليك حريص منه واصحاله يستحسن
لكن الخسيس الغبي ابعدنا عن سكته
لو كان ونيس وحدتك فقلته احسن
هتلاقي منه ايه غير المرار والوجع
حوط علي حالك دنيا وفيها البدع
مش كل من يبتسملك ضحكته من القلب
الناس معادن منهم إللى يبهروك ويتاقله بالدهب
وعلي الجانب التاني منهم ولاد الكلب
إللى الرياء طبعهم
و عيشتهم كلها كدب
لا فى يوم يفرحك قربهم
ولا يجى منهم شئ يسر القلب
ولا رأيكو ايه احبابى إللى جوه القلب......
ليست هناك تعليقات:
إرسال تعليق