العقل زينه ‘‘‘مع سلسله السعاده الزوجيه
كل شاب أو فتاه كلاهما يعيش علي أمل تحقيق حلم منذ الصغر.. الشاب بيحلم بالفتاه التي تختطف قلبه وتكون في نظره سندرلا أو سنوايت أو حتي الملكه هويام في حريم السلطان يعني أميره أحلامه وعندما تأتيه هذه الأميره يجعلها ملكه علي قلبه علشان كدا تلاقي كل شاب ماشي عينيه لادار يلتقط كل جديد يفحص ويمحص وربما يتوغل ويخترق ‘‘ما علينا ‘‘‘وكذلك الفتاه تنتظر فارس الاحلام إلي ييجي علي حصانه الأبيض أو‘‘‘ حمارعادي ‘‘‘ يخطفها ويجري وهي مستعده تتخطف على أى حاجه عادي يعني ‘‘بس ييجي الفرج ‘‘ علشان كدا معظم الفتيات بيمشوا وإيدهم ممدوده علشان حد يخطف ‘‘‘وطبعا كل واحد فيهما ينتظر تحقيق هذا الحلم مع أن كلاهما يعيش سلطان زمانه ‘‘‘‘البنت في بيت أبوها مدلله منعمه‘‘‘‘ والشاب باشا إيديه في جيوبه يسهر مع اصحابه ولا بيت ولا مسوليه ‘‘‘لكن سنه الحياه ودا ‘‘هم ولابد منه ‘‘إن الرجال للنساء خلقوا وإن النساء للرجال خلقن ‘‘‘وبالفعل يتحقق الحلم ويتلاقيا وفي الفتره الأولي من الزواج إذا بالهمسات الرقيقه والكلمات الحانيه والنظرات الجذابه ‘‘‘وبعدين يتغيرالحال ولا كلام ولا سلام الكلمات خلصت والنظرات كلها غضب ونرفزه وصوت عالي وكله يطلع علي المسكينه إلي في البيت الي أبوه اشتراها له من سوق العبيد وممكن يتطور الأمر للسب واللعن والأعظم من كدا ممكن الضرب كل دا ليه لأن الزوج المحترم عديم المسؤليه عنده مشاكل في الشغل طيب الجميع عنده مشاكل والزوج العاقل يترك مشاكله عند عتب عمله أو علي باب بيته
ثم يدخل بيته بابتسامه يسعد بها قلب زوجته التي تنتظره بإبتسامه ولهفه ‘‘‘أعلم أن بعض الزوجات النكد طبعهن ولكن الزوج الذكي من يعرف كيف يمتص غضب زوجته ويحول غضبها الي إبتسامه ‘‘‘‘مثلا يدخل عليها بورده يعني ممكن شي مش مكلف حتي لو هتقطفها من اي جنينه تقابلك المهم الكلمتين الي بعدها ‘‘قولها انا جايب ورده لأجمل وأرق ورده في بستان حياتي والورده دي بتستمد جمالها من جمالك‘‘إتعلم الصنعه بقه ‘‘‘طبعا عارف بعض الأزواج هيقول مش نافع معاها الورده يعني ملهاش في جو الرومانسيه والكلام ده ‘‘‘يا عمي هات لها الحاجه الي بتحبها مش بتحب الي بيتشم هات لها الي بيتاكل أهم حاجه الكلمتين بعدها بس خد بالك لو حست إنك بتكدب عليها ودا بيفهموا فيه جدا لأن العاطفه لديها قويه ومميزه لادار رباني يعني اكيد هتلبسك الحاجه الي جبتها فوق دماغك ‘‘‘ وبالشفا ياريس علشان تعرف تكدب ‘‘يكفي بس إنك تقول الي في قلبك بحب ‘‘‘‘وبعدين إمسكها من إيديها واقعدوا قريبين وخلي الاضاءه خفيفه ‘‘‘‘‘إمسك إيديها وركز في عيونها وفكرها بأيام الزواج الأولي مع نظرات وهمسات تنتهي بلمسات ‘‘‘‘‘وربنا معاك في الي بعد كدا
والخلاصه ‘‘يقول النبي صل الله عليه وسلم عن النساء ‘‘ما أكرمهن الا كريم وما أهانهن الا لئيم ‘‘‘فاستوصوا بالنساء خيرا ‘‘عاملها كما تحب أن تعامل إبنتك وأختك وخالتك وعمتك فى بيوت ازواجهن ‘‘‘المرأه مخلوق ضعيف والزوج الذكي الذي يجعل من زوجته طفله مدلله لا ندا له يقف عن كل كلمه تقولها
وإن أخطأت قم بتعليمها لا معاقبتها ولا مانع من معاملتها معاملة الأطفال بالهدايه البسيطه التي تحمل معاني الحب والوفاء مع البسكوتات والشيكولاتات والملبسات ومن كل شي ليها يا عمي هات يعود عليك كله بالسعد والفرح وتعيش سعيد في تبان ونبات وتخلف صبيان آند بنات ‘‘‘‘اللهم قد بلغت فاشهد
تحياتي ‘‘‘‘بقلم عمر جميل
ليست هناك تعليقات:
إرسال تعليق