نص * يا معاليك *
للشاعره / اسراء رضا
صوتك...
صوتك كمان يعزف
وهوا أنفاسك
هوا ليا بيحييني
فبلاش تبعد
خليك جنبي وغنيني
انا قلبي لما اختار
اختار يكون جنبك
اختار يكون قلبك
قالك بحبك وعايزك
شايفك امل بُكره
وعوض من ربنا ليّا
صلّحت الكسور فيّا
انا يمكن اتعذبت
ودوقت من المرار الوان
لكني كنت تملّي
في رب العرش عشمان
وقولت هيعوض
وكان الرد انك أمان
ارجع بلاش الفرق يخلق بينا مسافه
نبعد ونتغرب
يقوم الجرح ف يقرب
دا انت الوطن لما الوطن ضاع
انت الشاري لما البايع باع
وانت الحمى وملجأي
لما الحياه ضاقت
فبرجع ليك
يا معاليك
جوايا يقين
مهما الدنيا تفرقنا
في نفس المكان هلاقيك
في نفس المكان هلاقيك
.....
ليست هناك تعليقات:
إرسال تعليق