الشاعر / احمد عبد العزيز
*امـــــي*
*امـــــي*
هي كُل علاج لدائي
هي قابلاني بغبائي
عارفة فين مطرح دوائي
وفاتحه دايمًا حُضنها
امي اللي بتشرف يوماتي
لما بنطق إسمها
عارفه كُل خبايا قلبي
حافظة صَم دا انا ابنها
هي ست الكون بحاله
صعب حد يكون مكانها
مهما كات درجة جماله
عمرُه ما يعادل جمالها
حور وأطيب منه ممكن
لا ده فعلًا اه أكيد
صوت دُعاها ف قلبي دايمًا
لما عنها بكون بعيد
كَف إيدها فيه حنان
نظره منها تهَدي ناري
مهما مَر من الزمان
هي نوري وهي داري
عارفة يامّا لو إختياري!
والله ما أتغرب وأسيبك
البعاد بيقيد ف ناري
بس هايهون لما أجيلك
عارف إني يامّا ضَيك
ايوه عارف كُل شيء
تعرفي يا محاوطة قلبي
أنتِي نوري ف الطريق
انتِي أجمل م الجميل
خيط منوّر وسط ليل
انتي ترياق العليل
وانتي أحلي الأمهات
انتي م الحنيه تدي
ماتقوليش ولا مره هات
ربنا يديمك ل قلبي
راحة / فرحة / مُسكنات
ليست هناك تعليقات:
إرسال تعليق