رباعيات وليدالمصرى
عمار يامصر خراب يا ارهاب
فى ناس بتاكل زباله وناس بتاكل كباب
وناس تعمر بلدها وناس تدمر بلاد
احترت بين دول ودول وجالى اكتئاب
*****
بشوفك حبيبتى فى صورة ملاك
وقلبى اللى حبك حب امتلاك
خايف يشوفك فى غدر السنين
لتبقى فى حياته طريق الهلاك
*****
أنا العاشق والحب مالوش كبير
اكتب كلام الغرام واسمع كتير
حكايات لناس قابلنا وناس مننا
سفينة مشاعر بتغرق فى بحرالتفكير
*****
بين البلاد مسافات وحدود
وناس عايشين وظلام بيسود
وبرغم اختلاف اللغه واللون
بيجمعهم سلام ووصال ممدود
ليست هناك تعليقات:
إرسال تعليق