(اكتب ) بقلم الشاعر نور هادي

شاعر الفردوس نور هادى
يكتب خاطرته

(اكتب )
اكتب
عن الحزن لما يسكن القلب
ومتبقاش عارف ليه
عن لحظة الم فى المفارق
للى مفارق
حضنك يا بلدى صار ناشف
من بعد غربتى والنهار طالع
من وش الشمس أحمر شفايف
من غير مفارقة للناس اللى فارقه
وما تخاف ولا تفارق
مش عارف الحزن ساكن القلب ليه ؟
من العتمة اللى حاضنة بكرة
ولافة الطرحة تراتيل قبل لحظة التنفيذ
من الكتمة اللى دافنة سرها فى عز الليل ضلمة
من الأزمة اللى دلعها ماسخ كما الويل
بتقولى خلى كلامك بسيط وسهل
ولما اتبسطت فيكى يا بلدى وكنت سهل
وكان الأمر مش سهل وفى غاية التعقيد
لاقتنى بضيع مع الأيام كالفكرة والكل يتسابق
وانا مصمم ولازم وفى مربع التكوين لازق
محلك سر واقف لوحدى بصوتى وسيافى
وحبى وموتى وتجاعيد ذاتى وغنوتى وموالى
ودفنة ولادى ساعة المغربية
فى رملك يا سينا
واحنا ربنا معدينا
بهاتى وبنادى بانى مش متنازل
عن حقوقى
وفى الحشا كاسر ضلوعى
وفى المدى فارد قلوعى
فينك يا زمان المشنقة
وعلى الضفة روحى كانت
هناك متعلقة
كما الفاترين فى لحظة دفا
وولادك الخايبين دمعتين نازلين
وبناتك التايهين همَّا كمان خاينين
مع ليل الصدى تباريح ؟
والرقة والفرحة لسة ماهيش جاهزة ؟
أمتى يا بلدى هنفرح ونكون على الضفة ؟
أمتى يا ولدى هتفرح وتكون على الجبهة ؟
وبالدفة تعدى هناك بلا تجاريح
نصلى هناك بالشفا تراويح
واكون وياك فى العزا تفاريح
شاعر الفردوس نور هادى