كفايه أعذار.بقلم الشاعر الرائع / محمد فتحى عبد الغنى

كفايه أعذار
قابلت حبي باستهتار
عايش الجنة وقلبي ف نار
رافض الشكوى أناني على فكرة
مليت حياتي جـــروح ودمـــــار
،،،،،،،،،،،،،،،،،،،،،،،،،،،،،،،،،،،،،،
كفايه دموع.
تنام الليل واســـهر موجــــوع
تحلم بالحب وراضي لي خضوع
فاكرني حاموت والعمر يفـــوت
بلاش غــــرور حاخرج م الطوع
،،،،،،،،،،،،،،،،،،،،،،،،،،،،،،،،،،،،،،،،،،
كفايه كلام
ما رضيت تسمع وعايش أوهام
شوف فات كام يوم وفاضل لنا كام
مش حارضى بلوم وكلام مرسوم
وآجي أحكيلك تقول لي سلام
،،،،،،،،،،،،،،،،،،،،،،،،،،،،،،،،،،،،،،،،،
كلمات: محمد فتحي عبد الغني
بتاريخ:30/5/2015