ربنا وحده بس القادر بقلم الاستاذ/سيد صادق

ربنا وحده بس القادر
انه يخلي ضلامك نور
اياك تيأس من غفرانه
وتقول لسه مجاش الدور
ف قلب الشده
قوم و اتوضا
تلقي ف عينك طاقة نور

ربك لما بلاك خلاك
تعرف انه ما هينساك
انت ادعيله بكل جوارحك
وهو اكيد هيلبي دعاك
ف قلب الشده
قوم و اتوضا
تلقي ف عينك طاقة نور

ادعي وقوله يا حنان يا منان
يا جبار يا قهار يا رحمن
عبدك جايلك رافع ايده
طالب منك الغفران
ف قلب الشده
قوم و اتوضا
تلقي ف عينك طاقة نور

سيد صادق