مدي الايادي بقلم الشاعر حمالا لبطاط

...................مدّي الايادي
مدّي الايادي يا مصر لولادك
عدّي علي الجرح وابني عهد أمجادك
اروي يا نيل غلتك وكتر الفدادين
وازرع كمان وكمان ونادي علي الفلاحين
ومد ظل الشجر والنخل والبساتين
مدي الايادي وكتري اللمه
خلي ولادك يفرحوا وينوروا الضلمه
ويفرشوا الارض ويبعدوا الغمه
محلي القلوب الصافيه لما تكمل اللمه
خلي الهرم يخلع سواد ليله
وينادي ع الفرح كل الدنيا كل الدنيا هتجيله
وهيعلي صوت الفرح ونودع الاحزان
تضحك شوارعنا ونردد الالحان
نفرح كمان وكمان
مدي الايادي مدي وزوقي القلعه
وعلي صوت الاذان كل الودان سامعه
وعلي صوت الجرس وقيدي كام شمعه
زغروده عند الحسين نسمعها في الجامعه
وطوفي بالسيده والازهر وباب الخلق ونادي ع الخلق
تفرح بيهم الميادين وقوليلهم ان الوطن عاد من جديد تاني
ومن النهارده هودع كل أحزاني
والامن عاد لجل يملا كل اركاني
قوم يلا نتفسح من اسوان لراس التين
ونعدي ع المنصوره وف طنطا وكفر الشيخ
ونشوقوا كرم الضيافه وتوقير البشر للشيخ
وف المحله المصانع سند لكل ضعيف
كل الحبايب مفخره كارهه الخداع والزيف
وف البحيره تلاقي الكل متوحد كأنهم من محافطه
والخلق للحكمه حافظه وعلي الي بينهم محافظه
شاعر البرلس/جمالالبطاط