(( اللي شوفته منك ))
كلمات / محمد السعيد
********************
اللي شوفته منك مش شويه
حاجه فقلبي حقيقي صعبه عليا
جرح وغدر وأيام مر وقسيه
يعني ذكرى صعبه شايفها بعنيا
ياما رضيت انا بالجراح وحاولت اداري
ياما صبرت ولا كان ده باختياري
دوقت حيرتي دوقت ياما كتير مراري
ولاقلبك عمره يوم حس بيا
انت قسوه انت جرح وفكياني
انت أصعب قلب شوفته أنا في زماني
مش هتيجي مره في بالي ولو ثواني
زي ماهونت عليك خلاص هتهون عليا
و اللي شوفته منك مش شويه
حاجه فقلبي حقيقي صعبه عليا
جرح وغدر وأيام مر وقسيه
يعني ذكرى صعبه شايفها بعنيا
ليست هناك تعليقات:
إرسال تعليق