مسكت الزهر وقولت فى دنيا الحظ أرميه ...
رميته وروحت أشوفه هيقولى أيه ...
لقيت الزهر حزين وبكت عنيه ..
وسألته يا زهر مالك حزين ليه ...
قالى حظك مش لاقى فرح فيه ..
قولتله يا زهر ده كل شىء باديه ..
ومفيش حاجه تكتر يا زهر عليه ..
أكيد يا زهر هيتبدل فى يوم الحال ..
أصل دوام الحال يا زهر من المٌحال ...
وسيبت الزهر وكنت عاوزه يواسينى ...
كنت بحلم يشيل الدمعه اللى فى عينى ...
يا زهره فى الحظ هرميك تانى وتانى ...
والحزن هيروح وأفرح معاك وأيامنا هتكون اغانى ..
ثقتى فى ربى يا زهر كبيره ...
وعارف أيامى اللى جايه بأذنه هتكون جميله ..
وفى يوم هتروح عنى الحيره ..
يا زهر قوم وبلاش تكون مهموم ..
يا زهر أبتسم وبلاش حزن بعد اليوم ...
الأيام مش كلها آسيه ..
ولا كلها حب وحنيه ..
الأيام من ده يا زهر على ديه ..
قوم يا زهر يالا وهات اديك ..
اليوم تدينى وبكره يا زهر أديك ..
تشيل الدمع من عينى وأشيله أنا من عنيك ..
يا زهر مش كل الأيام سعاده ..
الدنيا الحزن فيها والفرح أصبحوا عاده ..
بلاش الموضوع يا زهر تكبره بزياده ..
همسكك وفى الحظ من تانى هرميك ..
وأن شاء الله ربنا هيرضينى وهيرضيك ..
قـــــــــــوم يــــا زهــــــــــــــــــــــــــر ...
بقلـــم: عـــــادل الشــــــــهـــابى
ليست هناك تعليقات:
إرسال تعليق