(( مستنيها )) بقلم الشاعر الرائع / محمد السعيد.

(( مستنيها ))

كلمات /محمد السعيد

*******************
مستنيها تعدي قصادي
راح اتكلم انا المره دي
لازم اقول مش هفضل ساكت
الشوق في قلبي ياناس مش عادي

هتحدي خوفي واداي كسوفي
واقولها إيه جرى
انشغلت بيها ودوبت فيها
من فتره صغيره

مستني اشوفها ومش هتردد
بعلو صوتي عليها هنادي

الحب ليه أخبيه
ويفيدني ساعتها إيه
ناويت خلاص ياقلبي
هقولها أيوا عليه

يا روحي بجد صبرتي
وع البعد يوم ما قدرتي
ليالي شاغله خيالي
لازم ارتاح من حيرتي

هتحدي خوفي واداي كسوفي
واقولها إيه جرى
انشغلت بيها ودوبت فيها
من فتره صغيره

مستني اشوفها ومش هتردد
بعلو صوتي عليها هنادي