ليه يا دنيا
كل ثانية عليّ تمر
أعيش فى العذاب والمر
واقول كفاية يا زمن
كفاية يا زمن احزان
ولّا لسه ناوي
من نفس الكاس تسقينا
هات اللى عندك يا زمن
ولّا مش ناوى ترسينا
هات اللى عندك يا زمن
واجرح كمان فينا
اجرح كمان وكمان
هات من العذاب الوان
اصل العذاب يا قلبى
مخلوق بس لينا
ياريت للدنيا ماجينا
هجرونا اللى كانوا فـ يوم
عاملين حبايب
هجرونا وغابت الضحكة
من ع الشفايف
هجرونا يا قلبى
وبقيت من الدنيا خايف
هجرونا بعد مخطفوا
الفرحة من بين ايدينا
هجرونا من غير عتاب
وجابوا اللوم علينا
هجرونا بعد مطفوا
نور الضى من عينيا
*********************
خلاص يا قلبى
انتهى كل اللى بينا
كل الحبايب بعدوا عنا
وبقيت من الفراق بتألم
وياريت من الدرس نتعلم
تعبنا كتير وشفنا كتير
وياما مشينا ليهم
على الاشواك مشاوير
وياما شربنا مر الكاس
وقاسينا
وغرقنا فى بحر عشقهم
ما رسينا
لا فى يوم يا قلبى حسو
بظلمهم لينا
خلاص يا قلبى
ابعد بعيد عنهم
أحنا مش منهم
دايما نسامحهم
وهم يجرحو فينا
ويوم منعشقهم
يبيعو ويشترو فينا
ولما نصالحهم
يوعدو ويغدرو بينا
****************
لا لا ...لا يا قلبى
اللى ياما بكوّا عينينا
واللى ياما كدبوا علينا
واللى ياما غدرو بينا
واللى فاكرينا انتهينا
اخـــر قـــرار
صعب تانى نسامحهم
صعب نمسح
فى يوم دموعهم
لا لا ... لا يا قلبى
اخـــر قـــرار
نبعد بعيد عنهم
والحب وسنينه
وعذابه وآنينه
ونعيش فى الدنيا احرار
اخـــر قـــرار
ليست هناك تعليقات:
إرسال تعليق