النيل ياحبيبي عاتبني
قالي حبيك فين
من مدة وغايب يعني
وسيبني لنار وحنين
دامكنشي بيبعد عني
والضحكة ملو جبين
كنت بشوفكم أغني
و بدل اللحن أتنين
لقيتني هربت مني
في غفلة دمعتين
قال كان حاسس قلبي
قلوبكم متخاصمين
أزي أحكيلي قولي
جرحت جميل العين
وجاي كمان هنا تشكي
والقلب معاك حزين
روح قبله الغالي هتلي
رجعلي لياليا الفرحنين
سما الصيف بقت تشتي
سحابها دموع وأنين
ألف أه من نار صبري
علي ظلمكم يا بني أدمين
وحياة لهيب دمعي
الهايم ع الشطين
ولا يسمحك أبدا قلبي
الا أن رجعتوا عاشقين
حتي النيل يا أملي
مش قابل مني كلمتين
حبيبي تعالي ياعمري
بعدك يسمعلي مين
النيل ياحبيبي عاتبني
قالي حبيك فين
ليست هناك تعليقات:
إرسال تعليق