قصيده بعنوان قال لها للشاعر صابر الطوخى

 قـــال لهــا انت بس تشـــــــورى
وأنا آتألك بالـذهب
وكـل فــــــوله ولهـــا كيــــــال

قالت له وانا دايبه ف حبيبى دوب
وكـل مهــره ولهـــــا خيــــــال

قال لها إرحمى قلبى
اللي اتخطــف مني وبيـرقص مع
كل خطــوه على رنة الخلخــــال

قالت له فعــلا اللى م بيشــوفش
من الغربال بيبقى أعمى،
معطلكـــش ياخـــــــال

متحــاولش تســاوم آنثى عشـقه
لأن الوصـــول لقلبــــها
حقيــقه أبعـــد من الخيــــــال

لإن الآنثى لما بتعشـق ميهمهاش
لدهــــب ولا مــــــال

لـو حتى عملت لها ألــف عمـــل
وجبت لها ميت دجــال

يابــوى دا العشــــــــق واعـــــر
وفــراق الحبيب جتــال

وسهم الهوى لما بيصيب مبيفرقش
بين قلـــب وحش، وقلب غــــزال

روح لحـــالك يافـــارس
بينك وبين قلبى بحــور وجبــال

والآنثى لما بتعيـش من غير قلب
بتعيش كأنها حجر كأنها تمثــال

الحب اصله نعــمه ميحسـهاش إلإ
اللـى قلبه اتظـلم ، واللى حبيبه
سافـــر ، وغيــــابه عنــه طـال
بقلمى//صابر الطوخى