أنا .... كلمات الشاعره / سهير بدران
- ((((((((((( أنا ))))))))))))
- أنا مش أنا
- أنا واحد وانكسر
- أنا واحد انهد حلمه واندثر
- أنا واحد عاش وحب وادي بجنون
- علشان حنون
- لكن ملاقاش لحبه غير الجحود من غير حدود
- اصل أنا قلبي عاش البراءه
- وبكل طاقه حب بضمير
- ومكنش عارف ان البراءه دي شيء خطير
- بيودي صاحبه البريء في بير
- ويفوق علي انه انسان عبيط وكمان بسيط
- ومش مساير ومش معاصر كل جديد
- وكمان ضعيف ومش لطيف وكمان محتاج تغيير كبير
- اصل البعيد موضه قديمه معدتش قيمه
- راحت عليه في حاجات كتير
- ومكنتش اعرف كل دا والسنين راحت هدر
- والحلم جوايا انكسر
- وآه ياسنين العمر لما يخدعنا الحبيب
- ونزيد لهيب
- والواحد ميبقاش عارف يكره ولايزيد هطل
- وآه لما تنقسم والروح تعافر
- وتبقي مش عارف تغفر ولا تكابر
- وتبقي مش عارف
- انت اللي بتموت في الحبيب
- ولا الحبيب اللي مصر يموتك وتروح هدر
ليست هناك تعليقات:
إرسال تعليق