أنا مصري بحلم زي أي واحد
بيت في جنة بس غنة ما تكونش من قلب جاحد
يكفيني شر الحاسدين تنطوي عني العنين
حلم مجموع ملايين نور قلوبهم ييجي فجأة
بس فجأه النوربيطفي مش صحيح
مش عوايد
صابعي قايد مرة شمعة
صابعي يمسح مرة دمعة
مرة فرد في إيدين
لما جرح النار بيفرد
لما يوجع
تنحبس جوة العنين
ألف دمعة
بس كنت لازم ابكي
كان بكايا بيتسمع من ألف ميل
كنت لازم أعترف إني ضعيف
لاء دا ضعفي أقوى مني
لما بحتاج للرغيف
والأكيد إني بحس اكتر بضعفي
لما بحتاج قلب جنبي
عارف إنه ف نظري يوم أصبح سخيف
بس حبيت باغتراب
واللي زاعق عني سامعه
أيوه ده صوت غراب
صدقوني القلب داب
والبراح جواه بيغلي م العذاب
لما واراني التراب
واللي باقي مني لحظة
نفسي ما تكونشي سراب
لاء في نفس اللحظة سامع
ناس بتنده عاللي غاب
اللي غايب عنهم كان أملهم فيه كبير
علقوا على كتفه نيشان إن ده صاحب ضمير
لسه نايمين عالحصير
لسه فاكرينه الغفير
لسه قلبي فاكر إن هيحط الأمير
والحصان في العالي طاير
لونه لون التلج صاير
لسه نعته بالكبير
بس صرخة موت بتجري جوه دمي
لما احس العدو يجري ف أرض عمي
لما احس بإيدي تعجز عن حمايته
خد كفايته
مين هيحمي في يوم دياري
لما هرمح جوه ناري
لما ييجي الدور عليه
كان تكالي هو جاري
زي ما الدين السماوي
قالها والنص صريح
الحديد أصبح صفيح
واتمنع نوم العصاري
كل يوم ببكي جريح
كل يوم رايح شهيد
نفسي أعرف إنه عيد
بس دا أخوه اللي داسه
خد مداسه
وابن آدم لما ساوم يوم أخوه
قربان واخد بيه بنت ابوه
كان بيقصد ربنا نعتبر
مش تجربه ولا قال اقتلوه
الندم أصبح نديمه مش غريمه
يلا نصحى نفوق شوية
اللي صابنا مش شوية
مش بعيد نصبح عبيد
بكره بلدي تروق وتحلى لما عاصم
ينحني رهن المحبة رهن تحقيق المعاصم
قلبي فيها ف يوم مساهم
وانتوا دلوني الطريق
ليست هناك تعليقات:
إرسال تعليق