دموع عاشق ..أحمد عامر الشريف

نزلت منى دموع عاشق
فى بحر الدموع أنا غارق
وعايش فى نار الوحدة
من يوم ما حبيبى فارق ...
يا زمن كتر الحساب
راحو فين بس الأحباب
لما ألاقى نفسى وحيد
وراح خلاص زمن العتاب
أيام عدت سنين فاتت
معاها ياما قلوب ماتت
يا عين كفاية حزن ودموع
والزمن شايف وساكت
مكتوب علينا نفترق
وقلبى اعتبره حب وغرق
مش فاكر غير الأسية
حبك بقى كلام على ورق
ليه نقابل قلوب آسية
والأحزان فى القلب راسية
وقلوبنا دايما تنخدع
وللافراح دلوقتى ناسية
كان معايا بالحب يوعد
ومرة وحدة يجرح ويبعد
حكم عليا بألم الجراح
والسنين تجرح وتعند
جرحك فى القلوب محفور
نسيت ان الزمن بيدور
زى ما تجرح تنجرح
وبكرة تشوف عذاب القبور
قلوب ماتت وشبعت موت
وراح معاها الكلام والصوت
مفيش بينا كلام تانى
ومش باقى غير السكوت
احترت فيك يا زمن
مش لاقى للحنان سكن
وناس ما تعرف غير الخداع
وناس عايشة جوة كفن
شوفت منك خيانة
ونزلت دموع العين
حبك أكبر اهانة
علمنى درس السنين

شاعر الضحك والدموع