إعلان صريح ...شعر عامية..الهام شرف

وازينت كل المعالم
إعلان صريح
راجل مخيف 
بيحط كل الأسئلة
شفت ف عينيه تمويه لكل الأجوبة
واسستسلمت كل النساء إلا أنا..متحصنة
يارب دعوة ولدتي ...فيها الشفا من محنتي
وقعدت جنب الباب
بصيت لقيت احباب..كانوا........!
متفرقين ....متغربين عن بعضهم
عاشوا ليالي ..ما حد كان قدهم
يومها افتكرت جدتي....كانت هناك زي النهاره
كان عمري والله وقتها...كام سنة...كنت هنا
نفس المكان...لكن؟
هو زمان ما بقاش هنا
راحت في يوم ....من سنة
لكن أبويه يعوي يقول دي صاحبتي
وملاني يومها العجب
يوم ما شال الدهب ...حطه في إيد عمتي
الدعوة من فمها ...حطيتها في وداني
وأمي ليها العجب...ساكته وبتداري
وعيونها تتألم..................................................
سألتها وقتها.....هو انت باقية لي
خافت وضمتني...كان حضن حنية
وكإنه مش ليه...هي بتحضن هي
هي اللي زفتني ...لا دي دفتني
محلاك يا أمي..محلاك يا أمي