جوا ظلم الليل
قاعد بتشكى
م العذاب والويل
عمّال بتنده
على الفجر يطلع
صوتك بيرجع
بالغيوم والسيل
يا صبح ليه قاعد ومستنى ؟
وألا أنت غاوى الهموم ؟
فرحان ومتهنى
يا فجر قوم وانتفض
قول للطيور غنى
حلم السنين انتهى
يا رب ترحمنى
ارحل يا ليل الضباب
وأبعد بقى عنى
الحلم أصبح خراب
والدمع مستنى
ينزل عليا العذاب
والهم يسحلنى
يا حلم ساكن
جوا هم الليل
أمتى الأمل ؟
يضحك ويسمعنى
أمتى ألاقى الفجر؟
واقف يطمنى
أمتى إيدين الغدر؟
ترحل تسيب حلمى
أمتى أعيش العمر؟
وسنين ما تخسرنى
أنا أصلى راجل جدع
وأبويا علمنى
إن الوطن لو وقع
ما حد يحملنى
ماسك حبالك يا وطن
يا رب صبرنى
الشاعر / ناصر عبد المقصود
ليست هناك تعليقات:
إرسال تعليق