مين علمك ؟ الشاعر / ناصر عبد المقصود

مين علمك ؟
تنسى مشاعرى ونفترق
مين فهمك ؟
إن مشاعرى حبر بس على الورق
أنا بعشقك 
ولا عمرى هسمح يوم بحبى ينسرق
ليه بس تحكى عن الفراق
هو اللى بينا مش اتفــاق
دول كلمتين ساعة الخناق
أنا قولتهم والوقتى جى أنا بعتذر
أسف حبيبتى مفيش خصام
ولا عمرى هسمح بالكلام
إن يوم رحلتى ازاى هنام
وأوعاكى تحكى عن القدر
من يوم ما شوفتك والحياة بتحبنى
من يوم فراقك وكل يوم بتهدنى
هو انتى فكرانى غبى
علشان أسيب نور القمر
مش ضعف منى إنى اعتذر
الضعف منى إنى أسيب حبى فى خطر
وأسيب عيون الحقد بينا تنتصر
لو تسمحى كل فات يللا امسحى
انسى اللى فات قومى افرحى
وبلاش تفكرى تجرحى
انسى البعاد وانسى الهجر
دلوقتى جى أنا بعتذر
مين علمك ؟
تنسى مشاعرى ونفترق