عيونك شعر:محمد عبد القوى حسن

عيونك
سكة النايمين
على هدومهم
ومتغطيين بسماكى
حفاه
والشق ف اكعابهم
على اﻻسفلت
بيضمه وبيعلم
وبرضوا عراه
وقمصانهم
لهفهفة العلم
بتمد وتسلم
عيونك برضوا تغنيهم
عن الرغفان
وعن حفنة سبيل م النيل
ماداقوها وﻻ مره
وبيشوفوكى رغم داكله
مغصوبه
وياكلوا الهم يتاوبوا
من الصبار
يخش النار
ويرسم ع العيون العار
هوى غدار وحلق مرار
تتز عنيكى كاﻻنهار
ماترويناش ف دى المره
لكن تشعل خطوط النار
نهد التار والف تتار
عشان دمعايه ف عيونك
وترجع تانى تتبسم
وتبقى فله للثوار ف صحاريهم
وتبقى بلسم المجروح
وتبقى الروح
ياروح الروح فدى عيوانك