بلاش ...شعر عامية...الهام شرف

كل اللي فات مالهوش تمن
ىه منك انت يا زمن
حتى حنين الذكريات
ضاع مننا اصبح عدم
حتى الحقيقة أصبحت
بنت مسالمة مؤمنة
وفي العزيمة تقول بلاش
ما بقيتش واحدة مننا
حتى الشجن يعزف قيثارة طيبة
بس المسامع مدمنة
حب الضياع 
واللي هنا هو اللي باع
واللي هناك شاور علينا من سنة
ما طلعش فوق المستوي
قلبي انكوى
ورميت سلام المخلصين
يمكن ألاقي اللي يقول 
مرة ورايا ميت أمين
قلبتلي حالي بلبلة
من يومها عايش في البلا
يا موحدين
ردوا وقولوا ان الوجود
من غيرنا صابح جلجلة
قلت هلا
فارد دراعي من جديد
يمكن يكون فينا أمل
لكن ألم ينضح صديد
أنا قلت فلينا الحديد
لكن دا قولي معضلة
سامع صراخ بيقولي اسكت يا ولد
هايم معاه وبقوله قلبي بيتولد
سمع هناك سمه هنا 
سمع وقول إني أنا
صنف الحديد
مايلين وزيي ميت ألف هنا