ايه اللى جرى كلمات الشاعر /ناصر عبد المقصود

ضحكتنا ليه متغــــــــــــيرة
إي اللى جرالها يا تــــرى ؟
كان نفسى أضحك من زمان
كل الوجــــــــــــــوه متعثرة
خايفة لتضحك مـن جــــديد
والهم فى عيون الـــــــوليد
حتى الحياة مفهاش جــديد
مليانة كــــــــدب ومسخرة
فين الأمـــــــــــــــــــــــــان
يا عم يا للى اسمك زمـــان
ما عدشى فيك حتى الحنان
إنســــــــــــــــــــــان جبان
عايش حياتك منظــــــــرة
ضحكتنا ليه متغـــــــــيرة
أمتى أشوفك يا زمــــــــن ؟
الضحكة فيك من غير شجن
صافية بتضحك للأمــــــــل
وعيونا بيها منــــــــــــورة
لـــــون الحياة أصبح مسا
والخـد بالدمـــــــــع اتكسا
والفــــرح عايش واتنسى
وحيـــــاتنا صبحت مقبرة
واليأس أصبح ليه مكـــان
ساكن فى أحلام الزمـــــان
والضحك مات من غير أوان
واليـــــــــــأس أصبح عنترة
سيطر على كــل الوجــــــوه
حتى البرئ بيعـــــــــــلموه
وقت الفـــــــرح إزاى يتوه
وتكـــون همومه مسيطرة
ضحكتنا ليه متغــــــــــــيرة ؟
شـــــايفك بترسـم ضحكتك
صعبان عليا فـــــــــرحتك
لما تلاقيها بتتســــــــرق
والبسمــــة كلمة صغيرة
ضحكتنا ليه متغــــــــــــيرة
إي اللى جرالها يا تــــرى ؟
الشاعر / ناصر عبد المقصود