#لما_كنا_صغيرين_______👪***إيهاب حسن حسن

لما كنا صغيرين **
مكنش ف حياتنا
غير اللعب والتنطيط
رسم وكتابه وشخابيط
لا مسئولية حاسين
ولا هم شايلين......
لما كنا صغيرين **
كنا واخدين الدنيا وش
مكنش ف حياتنا غش
نجري ف الجناين
فراشات زهور بساتين.....
لما كنا صغيرين **
الدنيا كانت واسعة علينا
وكنا مادين ليها أيدينا
كبرنا ضحكت علينا
وخلتنا ولا المجانين.....
لما كنا صغيرين **
ضحكتنا كانت ملهاش معاد
والفرح جوه قلوبنا بات
كبرنا مبقاش الا السكات
تتسرسب من بين أيدينا السنين......
لما كنا صغيرين **
عيلتنا كانت دايما سوا
جيرانا ميتحملوش علينا الهوا
نتعب ونخف من غير دوا
كبرنا والعيله اتشتتت
بيبان جيرانا اتقفلت
والدنيا مبقاش فيها الحنين...