( وعن الكرامة أتحدث بلسان المرأة )
واقع مش خيال ....
أنا قصـتي واقـع مش خيال
فرسه وكانت نـاقصـها خيال
وأنـا فـ الرايـحه وفـ الـجـايه
إبــن الجـيـران بـيـبص عـلـىَّ
وعمره مـا بـطل عني سـؤال
نظرة وضحكة فتحت سـكة
ودقــة قـلـبي ولا الخلـخـال
وأمـا يعــدي وعنـدي يـهـدي
يتـمرجـح قلـبي ولا الـزلـزال
يبعتلي جواب أبعتله جـواب
وأختـه كانــت هـي المرسال
وفـ ليلة لقيتـه جـايــب أهـله
وجاي يطلب إيـدي فـ الحال
أخويا خدني وقالي ده صايع
بتـاع بنـات ومستقـبـله ضايع
ركــبـت راسـي وقـلـت مُحـال
هـــو ده اللـي عـلــيـه الـعــيـن
وهـــو ده الـ سِــيـد الـرجـــال
عيشني فـي الـنـعـيـم شهريـن
وبـعـد كـده إتغيرت الأحــوال
يـرجـع مـن بــرا أخــر السـهـره
ويسبني لـوحـدي ليالي طوال
ومـــره تــجــيــب فــي مــــره
والقميـص بـقـى زى السروال
والـعـيــشه مـعـاه بـقــت مُــره
وكـل يـــوم عــلـى ده الــحـال
شـجـار وخـناق وخلقي ضـاق
ومحاولاتي معاه ضاعت هباء
ولا عـاد بـاقي غيـر الإنـفـصال
قالولي نظرة المجتمع والناس
قلـت لهم على العـيـن والـراس
لكـن أعـيـش مــع حــد شـمـال
حـد بـيـأكل في اللحـم الحـرام
وسـايـب اللحم الطيب الحلال
دانــا لــو هـحـلـق شـعـر راسي
واللهِ مــا أخـلـف مــنــه عـيـال
هـخـلـعـه مـــن جــدور قـلـبـي
ولا هـايـهـمـني مـهـمـا هيتقـال
ونلتقي في الجزء الخامس إن شاء الله
واقع مش خيال
بقلم شاعر الحدث
الشاعر يوسف الحمله
3/6/2017
ليست هناك تعليقات:
إرسال تعليق