الكل تاه. بقلم / أحمد شاهين
جوا بيت واحد ولكن
كل واحد فى إتجاه
وبتاخدنا كتير أماكن
والنتيجه. الكل تاه
ليه عنينا ما شايفه بعض
دمعه جات ومروحه
أه. جامعنا متر أرض
وفرقتنا . المصلحه
كله بيقول يلا نفسى
كله ماشى على هواه
جوا بيت واحد ولكن
كل واحد فى إتجاه
جوا دوامة ظروفنا غرقانين
كله بيصارع لوحده. بمفرده
والغريبه الناس تشوفنا. فرحانين
ياما بيؤروا وياما بيحسدوا
ليه عنينا ما شايفه بعص
الكبير ما بقاش ببنصح من سنين
والصُغير أى كلمه. بتجرحه
والأكاده. هما الإننين غلطانين
كل واحد تاه وسايب مطرحه
ليه عنينا ما شايفه بعض
دمعه جات ومروحه
أه. جامعنا متر أرض
وفرقتنا. المصلحه
كله بيقول يلا نفسى
كله ماشى على هواه
جوا بيت واحد ولكن
كل
واحد
فى
إتجاه
كلمات /أحمد شاهبن
14 \ 7 \ 2018
ليست هناك تعليقات:
إرسال تعليق