مين اللى قال أن الألم
مش موجود إلا بين الضلوع
يمكن يكون الألم ساكن
جوه بطن تشكى ألم الجوع
أو يكون سارى ف عقل مظلوم
وأتحكم عليه لحظة خضوع
أو ف لحظه أنخدع
فى وعد قاله لا يمكن فيه الرجوع
أو يكون حلمه أتسرق
وكان بيأمل ف السطوع
أو يحس بالضياع يضحك
والقلب بينزف دموع
يتخطى كل الصعاب
واليأس يرفض الطلوع
كل دى لحظات ألم
والألم من كل نوع
فيه اللى يقدر ع الألم
ويتخطى كل الصعاب
وفيه اللى أتخدع وأتصدم
لما خدعوه الصحاب
وفيه اللى أدمن الألم
وفتحله كل الأبواب
وفيه اللى ك الهرم
ولا همو لحظات العذاب
وفيه اللى ألمه شد عزمه
وصمم يعيش الشباب
ولا قال ف يوم أنو أنظلم
ونفض من على الماضى التراب
( أسامه جديانه)
ليست هناك تعليقات:
إرسال تعليق