تم النشر بواسطة / إبراهيم فهمى
مش لاقى كلمه توصفك
ولا لاقى فنان يرسمك
كل الفلاسفه اتحيروا
وتأثروا بلون ضحتك
مش قادر أنسى سكتك
ولا قادر أسبق خطوتك
حتى الكلام لما انكتب
لقيته أصبح غنوتك
يا فجر شقشق ع الوجود
يا حلم مخلوق للخلود
عايش وبحلم تتلغى
بين القلوب كل السدود
لسه ف اللفه يا دوب
وف حُبك انتى دُبت دوب
عايش ف نار الانتظار
وقلبى رافض يوم يتوب
معرفش ليه خايف عليه
ل بشوك هواكى تجرحيه
يا أم العيون قلبى الحنون
ها تحسى بيه ولا تفوتيه
إوعى تقولى ها تسبيه
كده للدموع تسكن عينيه
يا أم الخدود إلغى السدود
وشدى قلبى من إيديه
إرمى ليه طوق النجاه
ع البر يبلغ يوم مناه
ياأم الشفايف قلبى خايف
ل ينقطف كده م الحياه
م انتى الحياه وطوق النجاه
ولقلبى طول عمرك دواه
ها تحسى بيه وتطمنيه
ولا ناويتى تسلبيه حق الحياه
أنا قلبى محتاجلك صحيح
وقالها بلسانه الفصيح
بلاش معانده وريحيه
طول عمره قلبك كان صريح
كلمات / رضا أبو الغيط
ليست هناك تعليقات:
إرسال تعليق