تم النشر بواسطة / إبراهيم فهمى
هتصدقيني
لو قلتك
اشتقتلك
من اول نظره ارتحتلك
ومن كل كلمه فهمتلك
حسيتك حتي وانت بعيده
وانت لكلمه بحبك عنيده
بس بصراحه فهمتها
وحسيت بها
ويا ابتسامه فرحتك
من لهفتك
من بسمتك
من لون الورود الحمر
علي وجنتك
من صوت حنين عالشفايف
عاوز يقولها بس خايف
بس اقولك انطقيها
ولا اقولك لحنيها
ولا اقولك تعالي ننطقها سوا
لحن يسمعها الجميع
القريب ويا البعيد
تخلي يومنا يوم جديد
يوم سعيد
يوم يقرب البعيد
مجدي الفل
ليست هناك تعليقات:
إرسال تعليق