تغريدة صباح الخير يا صغير بقلم الشاعر / أحمد بيومى

تم النشر بواسطة / إبراهيم فهمى

تغريدة صباح الخير ياصغير .. بقلم الشاعر / احمد بيومي

صباح الخير يا صغير ..

يا أبو قلب اخضر متحير ..

مالك زعلان ومكشر ..

بتقول الدنيا صعيبه ..؟

يا واد قوم بطل خيبه 

ومن إمتى الدنيا حبيبه ..؟

أسمع مني نصيحه جريئه صريحه ..

لو مره لقيت الدنيا أسودت ..

خليك أنت الألوان ...

خليك أخضر متفائل .. 

أو أزرق غامق عاقل .. 

خليك دائماً إنسان ..

وأضغط قوي على الألوان ..

لأجل الصوره تطلع حلوه ..

وإلي رسمته يا حبيبي يبان ..

بسرعه أرسملك حلم يا صاحبي ..

راح تلاقي الدنيا تمام ..

والكل يضربلك تعظيم سلام ..

إياك تعيش متردد .. خواف وجبان ..

خليك جاهز ومحدد ..

عاوز من الدنيا إيه وإزاي ..

الدنيا فيها مليون حاجه تعملها ..

غير إنك تقعد تشتم وتهرج كده على الإنترنت ..

تعاكس راجل أو بنت ..

أو إنك تروح القهوه علشان تشرب شاي ..

سلام بقى يا صغير ..

أنا رايح شغلي خدلك مني باي باي ..

تغريدة صباحيه احمد بيومي