..يـــــــــــــــــــــارب... بقلم مجدي ابن النيل

............يـــــــــــــــــــــارب..............
انت عارف اني وحدي
واني من غيرك مفيش
انت عارف اني ابيض
بس الابيض خلاص ف زمني
حاجه رخصت ما تساويش
انت عارف انت شايف
قلوب كتيره وطلعوا زايف
قلبي حالته ما تتوصفش
نبضه بيناجي الشفايف
تشرحلك بأنه من كتر الوجع
حالته من دقاته خايف
انت ادري بيا مني
عشمي في الاحزان تعيني
انت عارف اني شبت
وفي الهموم من صغر سني
يا معين يا اللي انت حكمه
سابقه فوق كل الوجود
الكل عندي سراب بيطلع
الجميع خان العهود
قلبي عاش يارب يشبه
واحد في اشاره مرور
الناس يجيلها مخالفه واحد
وانا عندي واقفين بالطابور
كان مره عندي قلب مؤمن
كان بيدعي وانت تقبل
كان يصلي كان يسلم
كان بقرانك بيحلم
كنت اصحي وقت فجرك
وانت سبحانك في عرشك
وانت بتنادي عبادي
كنت حاسس انك انت
كنت متأكد سامعني
كنت بحكيلك امانه
وبسذاجه ع اللي فيا
كنت بطمن معاك
كات بتبكيلك عينيا
النهارده القلب عنك
خدله ركن بعيد هناك
بس عشمي ان اسمي
لسه ف الجنه معاك
النهارده ناوي ارجع
ناوي اصلي يطول سجودي
ناوي اجددلك عهودي
قالوا عني اني عاصي
وانا عشمي فيك انك قابلني
ل مجدي ابن النيل