سيجال ساخر بين الشاعر خالد الكردي والشاعرة أمل فرج

سيجال ساخر بين الشاعر(خالد الكردي )------و---- (امل فرج)
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
----------------دقــــــــــة زاااااااااااااااااااااااااار-----------------
ـــــــــــــــــــــــــــــــــــــــــــــــــــــــــــــــــــــــــــــــــــــــــــــ
خالد -

حيرتيني بجد معاكي
مش عارف اعمل ايه محتار
كل يومين تطلعي بحكايه
عاوزه اعملك دقة زار
.................................
امل -------

دق الزار كان ليا اوامر
اياك ترفض ولا تغامر
طلبات الاسياد فوق راسنا
اوعي يكون كده جبر خواطر
....................................
خالد ---

علشان خاطرك والاولاد
انا راح اجيب طلب الاسياد
بس يارب تبقي بسيطه
ماتبقي غريبه زي ام عماد
..................................
امل-------

طب ورقه وتكتب قدامي
جوزين حمام والفخده الضاني
وتجيب ديك تكسر منقاره
ومعاهم كم فرخه عتاقي
...................................
خالد-------

شكلك كده ناوية علي جناني
كل يومين ترجعي من تاني
وتقولي عاوزه اعمل زار
والاسياد عارفين عنواني
....................................
امل--------

الاسياد ياحفيظ ياحفيظ
يبقي كلامك عنها خفيف
اوعي ف يوم تغلط ف سيرتهم
يصبح نظرك بكره ضعيف
...................................
خالد-----

هاحلف لو ماعقلتي شويه
وتشربي مية من الحنفية
مش هاعمل ولازار ولا غيره
وحالتك دي مابتخلش علية
.................................
امل------

وانا هاعمل ايه بس ياجاد
كله من جارتي ام مراد
عملالي عملي علي سمكه
وكمان الجاره ام سعاد
...............................
خالد--------

سيبك بقي منهم ياعبيطه
ام مراد دي ولية حويطه
يعني هتعمل ايه وياكي
انتي ياشيخه تموتي فـ الظيطه
......................................
امل -------

زيطه ايه سامحوه سامحوه
مش عارف اوعوا تضايقـوه
السحر ياخويا ده مذكــور
دقه زار واحنا نفكـــــــوه
.................................
خالد-------
-
طيب انا راح اكون وياكي
وهاشوف ايه اخرتها معاكي
بادعيلك ربنا يهديكي
واتهني بروحي فـ هواكي
................................
امل ----

مش بمزاجك غصب عنك
الاسياد ويايا سامعينك
لو راح ترفض مش هتصدق
ايه يحصلك تطلع عينك
................................
خالد -
-
غصبن عني مش راح اعمل
بس كفاية ده انا متحمل
انتي مصدقه شغل تراللي
بكره تقولى ادبحلك بلبل
...............................
امل-------

صح ياخويا كلامك صح
شفت الكوديا بتفتح فتح
ورق احمر وتقول اعمال
يعني فلوسنا راحت بــح
..................................
خالد-----
-
انا تعبت بجد خلاص ---
وانتي مش دريانه بغلبي-
- والفلوس راحت ياناس --
قولت لك ده شغل تراللي
...................................-
امل-------

ماشي ياخويا انا تبت خلاص
وكلامك ع العين والـــــراس
وده اخر الواحده اللي تصدق
الاعمال والزار ده يا نـــــاس
ـــــــــــــــــــــــــــــــــــــ
(خالد الكردى====امل فرج)