عِناديه
-------
--------------------------
أنا من عنادك دبت خلاص
سلمت بكفايه قسيه
-
وحلفت عاشقك وبـ إخلاص
إهدي بقه وحني شويه
-
ليه القسيه وظلم الناس
عارفاني حاطك فـ عنيه
-
ولادي غيره ودا الوسواس
والغيره نار تحرق فيا
-
إنتي الدهب مـ الراس للساس
طب ليه أروح للفضيه
-
والحسن آيه وطبعك ماس
جاتني ومن ربي هديه
-
طب بس مين على أي اساس
اللي تـأثر يوم فيا
-
إنتي الأميره ودول حراس
دي حكايه خالصه ومنهيه
-
عايشه في قلبي وفوق الراس
ليه بس تتجني عليا
-
قلبي اللي حبك بالإحساس
ملّكته ليكي بملكيه
--------------------
--------------------------
بقلمي ..... هشام عوض محمد
الجمعه ..... 13 - 02 - 2015م
--------------------------
ليست هناك تعليقات:
إرسال تعليق