فات عليها سنين و لكن ..
لسة باقي منها ذكرى
أو وجع ف القلب ساكن..
و افتكرت مكان جمعنا
مش شبه كل الأماكن ..
_______________
مش شاعر ولا دى شغلانته... دا دراسته يا ناس ... الواحد والأصفار ...
لقيناه فى يوم .. بيقول كلام موزون... زى اللى بيتقال فى التلفزيون
قولنا له : خلاص بقيت شاعر... وهتتطلع فى الفضائيات وتقبض بالدولارات؟!
قالنا : ومين قال إن أنا شاعر
أنا لا ليا ف الدواوين.. ولا بكتب كلام واعر
أنا حاسس.. أنا لامس..
قلوب غرقانة ف مشاعر..
ومش ناوي أكتب كلام هايف يترص ف غناوى.
فى حال البلد إتكلم ... وعن الغلبان ياما قال ..
ووقت الضيق راح لربه وناجاه
حبيبته غازلها وعاتبها وخاصمها وفى الأخر كان هيسلمها لأقرب كمين!!
عن الأب والأم ولمة العيله قال أحلى كلام ..
وعن الصحاب والدراسه كتب الأشعار ...
إنما البيه والهانم اللى مش فاضيين يربوا عيالهم جاب لهم الشبشب ومسكتش.
ليست هناك تعليقات:
إرسال تعليق